Ola alumnos.
Parte da nota do blogue dependerá dos traballos de investigación INDIVIDUAL que me enviedes por correo electrónico, coa biografía dos científicos que vedes na seguinte listaxe. A listaxe desta 3ª avaliación consta de CIENTÍFIC@S GALEG@S:
- Ángel Baltar Cortés
- Ángel Carracedo
- Ángela Ruiz Robles
- Antonio Casares Rodríguez
- Casto Sampedro
- Cruz Gallástegui
- Domingo Fontán
- Florentino Cuevillas
- Inmaculada Paz Andrade
- Isabel Zendal
- Isidro Parga Pondal
- José Cornide
- Juan Jacobo Durán Loriga
- Luís Freire
- María Barbeito
- María de los Ángeles Alvariño
- María Wonenburger
- Olimpia Valencia
- Padre Feixoo
- Padre Sarmiento
- Pedro Sarmiento de Gamboa
- Ramón de la Sagra
- Ramón María Aller
- Ramón Verea
- Roberto Novoa Santos
- Víctor López Seoane
- Xoán Vicente Viqueira
- Xosé Rodríguez Carracido
Lembrade varias cousas sobre a entrega destes traballos:
– O prazo de entrega remata o 14 DE XUÑO DE 2024, ás 12 da noite. Pero hai varios prazos intermedios, que serán os días 21-abril, 12-maio e 26-maio.
– O traballo debe presentar os seguintes parámetros de maquetación:
- Tipografía Times New Roman de 12 puntos,
- Interlineado sinxelo
- Marxes de 2 centímetros
- A portada e o índice deben ocupar páxinas diferentes
- Este traballo é individual, e para poder certificalo, cada alumno/a debe presentar as biografías nunha orde diferente, relacionada coas iniciais do seu nome e apelidos. Se o traballo enviado non cumpre esta condición, NON será ACEPTADO. Por exemplo, unha persoa chamada Roberto Catoira Viñán debería ordear as biografías do seguinte xeito:
- Primeiro as que comezan pola letra R (inicial de Roberto)
- Despois as que comezan pola letra C (inicial de Catoira)
- Despois as que comezan pola letra V (inicial de Viñán)
- Por último, todas as demais, ordeadas do A ao Z.
– Cada alumno/a só poderá enviar, nese tempo, UN correo electrónico que conteña UN arquivo adxunto.
– A nota poñerase en función da calidade e cantidade dos traballos presentados nese arquivo e da data na que se envíen. Canto máis completos e mellor presentados estean, será posible conseguir máis nota. E canto antes cheguen, tamén. No seguinte enlace tes a rúbrica ou matriz de avaliación que vos permitirá consultar estes criterios.
– Os traballos deben enviarse por Educamos (ou excepcionalmente ao enderezo electrónico robertocv@escolapiosacoruna.es).
Saúdos. O profesor de TICs.